26.05.07

Mountainbike/Bergsteigen: Bozen-Terlan-Nobls-Bozen

"wieso fohrn, wenn i's schiabn a konn?"

Mit dabei: Tanja und Carmen
(bei der Gelegenheit: Tschuldige Carmen dass i di do mitgstrutzt hon...)

Tips: vorher Bizeps trainieren und guate Schuach net vergessen (Bergschuach oder Kletterpatschlen)

Fürn Somstig hon i mir a spezial-Tour ausgsuacht: koane Luscht olm auf dr Londstross zu fohrn ... Korte gezückt und a Variante aussergsuacht (schaug di Korte). Die Tour wor bis zum Pichlerhof (Montigl) gonz tränx, die Ozweigung aufn 9er Weg isch ins donn zum Verhängnis gewordn. A steiler Stoanplottnweg, olls foll Lab, isch nichts für mein Radl... (und a net für die Sandalen wos i kühnerweise unghob hon...). Also bis zum Lanzoner gschobn. Donn hots so ausgschaugg, als tats wieder gemiatlich an Forschtweg entlonggian, lei wor des a kurzes Vergnügen weil bold isch's wieder kerzngrod-bergiberschi gongen,... alla fine hobn mir es radl zum groassteil bis nobls gschobn... Zur Belohnung hots ober vollllllle guate Knedl und an no viiiiiel besseren Epflstrudl ban Wieserhof geben mit Aussicht auf die Erdpyramiden (a net lezt)! Und die Obfohrt iber Glaning und Reichrieglerweg isch olm a Genuss...
... ban nägschtenmol hoffentlich wieder a gscheidere Tour... PFIATENK!

Keine Kommentare: