31.08.07

UMFRAGE: der schönste Blick auf den Ortler

Für Verletzte, Wochenendarbeiter... und andersweitig Bergverhinderte.
Wos i mi schun dauernd frog:
Wer hot in schianschtn blick auf’n Ortler (Zebru und Kinig) in insern Lond?

Ober wissts wos i enk sog?
Entscheidets selber, und derzählts mor nor von enkern stond!

Do war a mol di Weisskugl zu nennen
sie schaug von Nordn auf de Drei.
Den Blick werd eh a jeder schun kennen,
ob von Alpenverein oder von CAI.

Nor folln mir no die 3 Gratien …. eh Venetien
(Foto1)ein
de von der Seite ummiblinzln als mechatn sie unbandln
Ob epper sie die "Beschtigschtn" sein?

Vom Suldner Ferner (Foto2) aus hon i sie a schun gsechn,
genau wenn in oller Herrgotts Fria di erschtn Sunnenstrohlen die Gipfl streichln
dass sie leichtend im Morgengrauen ausserstechen
sel – gibs zua - tuat ihmene schun decht a prutaaaal schmeichln …
Oder gea amol in z’indrigschtn Ultn auf die Hintere Eggenspitze auchn
Und sog mir nor, isch des net a bäriger Moment
Wenn die drei markanten Spitzen auf oanmol hinter der Schorte auftauchn?

Net zu verochtn isch a die Sicht
Von der Düsseldorfer Terasse (Foto3)
am Obend, wenn di Sunn nimmer a soule sticht.
Derfsch di holt net störn, wenns neben dir hoast „ach ne guck doch - wie Klasse!“




Oder steasch du mehr auf Kitsch?
Wias sichs präsentiert von der Madritsch (Foto4)?









Fürs hoametgebundene Kennerauge net zu übersechen
Sein inser Kinig, Zebru und Ortler a aus der Fern
… und a wenn sie zwischen di hoachn Schweizer nimmer a soo ausserstechen
sigg man sie in der Fremme (Foto 5) olm wieder gern!



Jo so schweifen dahoam die Gedonkn und man tramt
Dass man holt bold wiederamol aui-kam(t)
Ober mit an verstauchtn Hax
geats holt olleweil a wia lax

Kommentare:

Marino hat gesagt…

Also des nennt man einen originellen Eintrag! I find olle Anblicke sehr schön, am liebsten wenn i von zem oben herunterschaun kann!!!

Edelweiss hat gesagt…

Also, mir gfolln die Drei von Madritsch aus am beschten. Zem sein sie oanfoch sofl gleim.

Dr Tanja guate Besserung, dass sie bold wiedr za die Gipflstürmer zählt.

Gigi hat gesagt…

Mir gefällt die Sicht vom Suldener Ferner auf den Ortler am besten, weil er so zum Greifen nah ist.

Ganz ungewohnt auch die Ansicht von hinten von unserer Tour auf die Cima Presanella.